Google ADS

Vihet gur-themeli i shtatores së Gjergj Kastriotit-Skënderbeut në Gjakovë

15:37 | 28 Nëntor 2023
E.K

Në 111 vjetorin e pavarësisë së Shqipërisë, në Gjakovë është vënë gur-themeli i shtatores së heroit kombëtar, Gjergj Kastrioti-Skënderbeu.

Në vënien e këtij gur-themeli, morën pjesë kryetari i Aleancës për Ardhmërinë e Kosovës, Ramush Haradinaj, kryetari i Komunës së Gjakovës, Ardian Gjini dhe qytetarë të tjerë.

Përmes një postimi në Facebook, Gjini ka shkruar se shtatorja e heroit tonë kombëtar Gjergj Kastrioti – Skëndërbeu është një element që i ka munguar qytetit të Gjakovës, prandaj jam i lumtur që një të tillë do ta kemi shumë shpejtë në qendër të qytetit tonë.

“Vendosja e shtatores së Gjergj Kastriotit është inicuar dhe financuar nga bashkëardhetari ynë Gjergj Prenkocaj, të cilin e falenderoj dhe i shpreh mirënjohjen time dhe të qytetarëve të komunës së Gjakovës. Ndërmarrje të tilla më bëjnë jashtëzakonisht të lumtur dhe krenar’, shkroi Gjini./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm